Gjatë vitit 2018, Kuvendi i Kosovës do të mbahet mend për mos zhvillim të rregullt të seancave, mos miratim të shumë ligjeve, sidomos në fushën e drejtësisë. Për këtë kishte reaguar edhe shefja e zyrës së Bashkimit Evropian, Nataliya Apostolova, e cila në një takim me kryesin e Kuvendit të Kosovës kishte kërkuar seriozitet, unitet dhe mos-bojkot të seancave.
Pavarësisht këtyre, seancat e mbajtura nuk kanë kaluar pa debate të nxehta e të cilat shpesh kanë përfunduar në fyerje.
Milaim Zeka, padyshim që njihet njëri nga deputetët më të zëshëm në Parlamentin e Kosovës, dhe në intervistën e fundvitit për Ballkani.info ndër të tjera ka treguar raportin me partinë nga e cila kishte fituar votot për të marrë epitetin e deputetit.
Zeka, duke komentuar për raportet me partinë e tij NISMA Socialdemokrate ka treguar që me muaj të tërë nuk komunikon me ta, dhe se partia në fjalë nuk dallon nga PDK.
“Unë nuk komunikoj me NISMA-në, d.m.th., kam 6-7 muaj që nuk komunikoj me ta fare. Por vetëm mundem të thënë që NISMA me asnjë pikë, me asnjë presje nuk dallon prej PDK-së. Me nepotizëm, me dallavere, me gjitha faqet e zeza që i ka bërë PDK-ja i bën edhe NISMA. Mbi bazën e kësaj, unë nuk kam kurrfarë nostalgjie”, thotë Zeka.
Deputeti Zeka, karshi këtyre akuzave ndaj partisë së tij thotë që do të vazhdojë deri në fund të mandatit, si deputet i kësaj partie.
“Unë jam deputet, dhe mandatin tim e dërgoj deri në fund me NISMA-n. Nuk po dua të luaj rolin e disa deputetëve tjerë, të cilët për përfitime të votave ose për përfitime tjera materiale dalin të pavarur. Po e përsëriti, nuk kam absolut asnjë privilegj prej NISMA-s. As nuk kam punësuar njeri të familjes. Ata, veç macat në tavan që nuk i kanë punësuar”, ka shtuar Zeka.
Dhe, në fund Zeka duke folur rreth planeve në të ardhmen, ka potencuar që politikës nuk e ka ndërmend t’i largohet dhe se në zgjedhjet e ardhshme nuk do të kandidojë deputet në listen e NISMA-së.
“Unë do të vazhdoj aktivitetin tim politik, punën time, pastaj të shohim në bazë të rrethanave. Nuk marrë vendime të ngutshme, edhe atëhere kur jam bashkuar me NISMA-n, kam analizuar plotë gjëra edhe nuk ka qenë vendim të cilin unë e kam marrë brenda ditës. Por çështja e vazhdimit apo mos vazhdimit tim brenda subjektit politik NISMA, varet nga shumë faktor. Në zgjedhjet e ardhshme, nuk do të kandidoj deputet në listën e NISMA-s”, ka përfunduar Zeka.
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...